拉絲蒜香芝士包包

濃郁得令人難以抗拒的味道，簡直讓人一顆接一顆無法忘懷

HAPPY 1ST ANNIVERSARY！不經不覺「兔仔食堂」已經開業一年了～
在這過去的一年裡，雖然小站尚未做到非常有影響力，粉絲人數也只有三百餘人，但仍十分感激讀者一直的支持 <3 即將畢業的我，將會投放更多時間在烹飪，來年我會繼續發揮小宇宙，與大家分享更多簡單美味的食物，希望大家都不要放棄「兔仔食堂」，繼續緊貼最新食譜及覓食指南呢～


在外國網站看見許多人以芝士為主的食譜，雖然他們使用芝士的份量確實驚人，但是偶爾放肆一下也好爽的呢，而今天我終於弄了一直好想試做的拉絲蒜香芝士包！與三五知己或親戚開party聚會，或者跟兩至三人一同分享，作為下午茶剛剛好，滋味無窮 :p :p 濃郁得令人難以抗拒的味道，簡直讓人一顆接一顆無法忘懷。材料大同小異，稍為更改後寫了這個食譜，希望大家會喜歡吧！


材料：
French/Sourdough Boule style Italian Bread一個，火腿四塊，牛油溶液半碗，蒜頭三瓣，一碗至一碗半車打芝士碎


調味料：
黑胡椒碎適量，海鹽適量


做法：
1）預熱焗爐至180度
2）麵包打菱角切，切成每粒為約一吋的丁方（小心別切破麵包底部）
3）蒜頭切粒，倒進牛油溶液中拌勻
4）用掃或湯匙把蒜蓉牛油平均地倒入麵包丁方的隙縫之間
5）用手將芝士碎及火腿絲做同樣動作，再次用掃在麵包面塗滿牛油溶液
6）底面都鋪上一層錫紙（錫紙不用包裹著麵包）
7）放入焗爐焗二十分鐘，過後取走面層的錫紙再焗十分鐘即成


小貼士：
a）最後的步驟請自行調節時間，麵包間的芝士轉至金黃色即可，小心別焗燶
b）可加入小香蔥（chives）或番茜葉（parsley）增添香氣


Ingredients:
1 French/Sourdough Boule style Italian Bread, 4 ham, 1/2 bowl melted butter, 3 cloves garlic, 1 bowl shredded cheddar cheese, black pepper and sea salt


Steps:
1) Preheat the oven at 180 Celsius degree
2) Slice the bread horizontally and vertically into 1-inch cubes, leaving the bottom of the loaf intact with the bread pieces still attached
3) Slice the garlic. Pour it into the melted butter and stir
4) Brush the infused butter into all over the bread
5) Gently stuff the shredded cheese and ham into the bread between the slices
6) Brush the infused butter again
7) Lay the bread on a piece of foil. Place a piece of foil on top of the bread (NOT to wrap)
8) Bake for 20 minutes. Remove the surface foil and bake for 10 minutes

香蒜肉絲意粉

懶人意粉，十五分鐘上碟，自己煮一大碟慢慢嘆吧～ 

功課繁忙都忍唔住要同大家分享一下 <3！相信大家都知道香蒜肉絲意粉係某薄餅店歷久不衰既名物，雖然聽落好普通但係佢真係陪伴著我成長。材料簡單，價錢經濟實惠，準備功夫亦都唔多。蒜味香濃又美味，真係講起都流哂口水。懶人意粉，十五分鐘上碟，自己煮一大碟慢慢嘆吧～


材料：
意粉100G，火腿兩塊，豬肉碎半碗，雜豆半碗，蒜頭一瓣

調味料：
雞湯30ML，蒜粉，黑胡椒粉及海鹽


做法：
1）將豬肉碎以豉油、白胡椒粉、鹽和糖醃好，火腿切絲，蒜頭切粒
2）根據包裝指示時間減少一分鐘烹煮意粉以取Al dente口感
3）雜豆可與意粉同煮約兩分鐘一同放涼備用
4）用平底鍋以大火炒熟豬肉碎盛起，再下油以中火爆香蒜蓉及火腿絲，炒的同時倒入一半雞湯
6）加入意粉、豬肉碎和雜豆同炒再倒入剩餘雞湯，期間以大量蒜粉，黑胡椒粉及海鹽調味即成


小貼士：
a）如果想做到蒜味香濃，請瘋狂加入蒜粉以收最佳效果 :p :p :p
b）用雞湯可避免意粉炒得太乾身及炒燶，而且亦可減少鹽的份量

野菌牛肉意大利燴飯

飯粒軟稔中帶點煙韌，食落去既感覺同普通白飯唔同。

意大利燴飯（Risotto）係一道用高湯將米粒煮成味道濃郁的意大利經典料理。高湯通常會以魚、肉或者蔬菜為基底，一般意大利燴飯會加入忌廉、白酒以及洋蔥豐富整碟菜式既色香味，飯粒軟稔中帶點煙韌，食落去既感覺同普通白飯唔同。步驟看似繁複，其實十分簡單，只要有耐性，你都可以炮製出一碟美味可口既意大利燴飯呢 :P 傳統既意大利燴飯會加入忌廉，雖然口感非常軟滑但亦容易感到飽滯，所以呢份食譜就省略左忌廉喇 ;)


材料：
意大利米Arborio rice半杯，免治牛肉，蠔菇Oyster mushroom兩隻，鮮冬菇Shiitake mushroom四隻，洋蔥半個，巴馬臣芝士酌量，牛油，雞湯400ML


調味料：
白酒120ML，洋芫荽，鮮磨黑胡椒粒，海鹽，糖


做法：
1）先將洋蔥切粒，蠔菇切大片，鮮冬菇切細片
2）用另一個小鍋把雞湯加熱備用
3）中火燒熱平底鍋，加入適量橄欖油和牛油，炒香蠔菇及鮮冬菇，盛起備用
4）將免治牛肉及洋蔥粒炒至半熟，加入意大利米炒勻
5）轉中慢火倒進白酒，待所有酒精揮發及把水份收乾
6）分三次倒入雞湯，不斷翻炒避免黏底
7）直到意大利米吸收接近所有雞湯，再倒入下一次的雞湯，重複此步驟所需時間大約為二十分鐘
8）烹煮期間嚐試米飯的軟硬度，當適合自己的喜好便可熄火
9）拌入蠔菇和鮮冬菇粒，以黑胡椒粒、海鹽及糖調味，灑上洋芫荽裝飾即成


小貼士：
a）意大利米不用預先洗淨，直接倒進鑊中與雞湯同煮即可
b）洋蔥及菇菌無需炒至全熟，否則雞湯的熱力會使它們變得軟爛
c）如果選用會出水的雜菌如白菇，先炒一、兩分鐘待乾身後才下牛油炒洋蔥粒

吞拿魚菠菜汁煮意粉

菠菜含有豐富纖維、鐵質同葉酸，營養價值相對較高。

食得西餐太多感覺好肥膩，離不開茄醬、忌廉、煙肉、牛油，全部都係高脂食物，愈肥膩愈好食，對於追求健康既朋友，有時都係望梅止渴較好 :X 平日行超市都會見到琳琅滿目既現成意粉醬。雖然係方便又快捷，但係通常佢地聞落係好香啊，食落又無乜味，最後可能又要搞一大輪繼續調味 :/ 煮意粉唔一定淨係得白汁忌廉同番茄肉醬咁寡既，有時外出用餐，菠菜汁意粉絕對係一個好選擇，感覺上食多左蔬菜較健康。不如嘗試一下自己親手製造醬汁，無添加防腐劑，採用最新鮮既材料，而且菠菜含有豐富纖維、鐵質同葉酸，營養價值相對較高。好啦今日同大家跳出框框，做個自家製菠菜汁，好味又健康！


材料：
意粉100g，油浸吞拿魚一罐，菠菜一碗，羅勒葉一棵
牛奶70 ML，蒜頭，松子仁，巴馬臣芝士少量


調味料：
橄欖油半湯匙，黑胡椒粉，海鹽及糖酌量


做法：
1）意粉烹煮時間比包裝建議少兩分鐘以取Al dente口感
2）用小火烘松子仁至金黃色，壓碎備用
3）用中火略炒香蒜頭
4）先把菠菜，牛奶，蒜頭及巴馬臣芝士一併倒入攪拌器，完成後再加入調味料拌勻
5）重新開鑊，中小火炒開吞拿魚，加入意粉及菠菜汁，見開始煮熱期間可以加海鹽增添咸度
6）上碟後灑上松子仁碎及芝士即成


小貼士：
a）羅勒葉會係加熱過程中逐漸失去香味，可以係步驟五加上切好既羅勒葉
b）如果想醬汁較為濃稠，一湯匙麵粉加水撈勻，倒入穫裡面便可
c）番茄與Pesto產生一種奇妙的化學作用，兩者一齊食非常搭啊！8-)
d）隨著個人喜好去選擇配料，唔中意食吞拿魚既朋友可以加雞肉或者大蝦都一樣咁滋味架